منتديات المايسترو محمود
اهلا وسهلا بكم في منتديات المايسترو محمود
منتديات المايسترو محمود .. منتدي اجتماعي... ثقافي... سياسي... إسلامي ويحمل بين طياته شتي مجالات الحياة


منتديات المايسترو محمود .. منتدي اجتماعي... ثقافي... سياسي... إسلامي ويحمل بين طياته شتي مجالات الحياة
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 قصيده بعنوان (سقط امن الدوله . سقط امن النظام )

اذهب الى الأسفل 
كاتب الموضوعرسالة
محمد عربي
مشرف
مشرف


ذكر عدد المساهمات : 5
تاريخ التسجيل : 22/05/2011

مُساهمةموضوع: قصيده بعنوان (سقط امن الدوله . سقط امن النظام )   الأحد 22 مايو - 14:12:32

واخيرا انتحر سارق الوطنيه
ومات خلاص سجان الحريه
واصبحت بلدنا دلوقتي قويه
واتخلصنا من عهد العبوديه
وطلعنا بره الجدران
فليسقط امن النظام
انتهي خلاص امن الدوله
دول دوله جوه الدوله
مش بيحكمهم قانون ولا مله
ويعملونا ديما بمزله
ومفيش عندهم أي احترام
فليسقط امن النظام
كان قرارهم علي طول فرمان
ومخلين علي طول ورانا سجان
والشعب كله ميعرفش ينام
فسجل يا تاريخ تلك الايام
فسقطوا امن النظام
ميعرفوش غير التعذيب
واسلوب الضغط والترهيب
والشعب حاسس انه غريب
في وطن غالي وحبيب
مصر بلد الامن والامان
فوداعا امن النظام
كانوا يراقبوا التليفون
في كل مكان ليهم عيون
وتبص ديما في اوضه النوم
ليكون حطلك ميكروفون
كله ده قبل ما تنام
وداعا وداعا امن النظام
يقولك مفيش حلال ولا حرام
ويقلك انتهي عصر الكلام
عيزين يلبسوك الجام
وبعدين متعرفش تقوم ولا تنام
فوداعا امن النظام
دول عملين علينا واصي
ومعتبريني الابن العاصي
علشان اقول حقكم علي راسي
او ينهبوا مني حماسي
وبعد كدا اطاطي للنظام
فوداعا امن النظام
دول جوانا دم فاسد
وكلامهم ديما جاحد
لكن والله انا جامد
ولله ديما شاكر وحامد
ولا اخاف من الظلام
فوداعا امن النظام
دول ديما كلهم شر
وحالهم والله مايسر
علي كل انسان حر
لكن والله لحمي مر
ولا حسكت عن الكلام
فوداعا امن النظام
بحكمك يا بلدي انا راضي
ولخدمتك يا بلدي انا فاضي
ولعدلك ونصرك انا قاضي
ولعدوك يا بلدي انا معادي
لاشيل عن شعبك الغمام
فوداعا امن النظام
يا بلدي رجالك دول اسوود
في وجه عدوك اللدود
امن الدوله النمرود
ورجعوا مجد الجدود
وقضوا علي فساد النظام
فوداعا امن النظام
مسلم ومسيحي كلنا واحد
في المسجد والكنيسه كله عابد
لربنا سبحانه وتعالي الماجد
وقدام الظلم كله صامد
ويد في يد نبقي في سلام
فوداعا وداعا امن النظام

تأليف محاسب / محمد عربي عابدين الخطاري
قنا في 5/ 3 /2011
الرجوع الى أعلى الصفحة اذهب الى الأسفل
 
قصيده بعنوان (سقط امن الدوله . سقط امن النظام )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المايسترو محمود :: منتدي الأدب والشعر-
انتقل الى: